Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

4457 swer dîn vater wære,
        sô edelet dich dîn tugent sô
        daz ich dîn bin ze herren vrô."
        nû hete gewert dirre strît
        unz an die nônezît,
4462 den sumertac alsô lanc.
        dô Êrecke alsô gelanc,
        die genâde er an im begie
        daz er in leben lie.
        ûf zuhte er in bî der hant:
4467 den helm er im abe bant.
        er sprach: "ich enmuote mêre
        von iu deheiner êre,
        wan daz ir mir âne schamen
        rehte nennet iuwern namen.
4472 ich enmuote ze dirre zît
        wan daz ich wizze wer ir sît."
        er sprach: "herre, daz sî getân.
        ich wil iuch wizzen lân,
        ich bin künec über Îrlant,
4477 Guivreiz le pitîz genant."
[ zurück ]